Ervin Goci ka mbaruar studimet për Filozofi në Universitetin e Tiranës, studimet pas-universitare i ka patur të orientuar në Shkencat Humane, dhe ne vijim ka vazhduar studimet doktorale në Departamentin e Gazetarisë dhe Komunikimit, Fakulteti i Historisë dhe Filologjisë, ku punon që prej vitit 2005-së. Gjatë kësaj kohe kur ka ushtruar lektorimin universitar, ka mbuluar disa disiplina si, teoritë e komunikimit, teoritë mbi hapësirën publike dhe angazhimin komunitar, teoritë e marrëdhënieve me publikun, dhe modelet menaxheriale tek mediat e reja. Është pjesë prej disa vitesh, rregullisht, në studimet dhe konferencat shkencore të Departamentit të Gazetarisë dhe Komunikimit, duke ofruar ekspertizën e tij në fazën konceptuese të këtyre projekteve. Lektor Ervin Goci lëvrimin teorik e ka zgjatuar dhe përtej katedrës universitare, duke mbuluar një rubrikë javore për cështje që kanë të bëjnë me marrëdhëniet mes mediave dhe teknologjive bashkëkohore, editimi dhe prodhimi i lajmit në kohën e algoritmeve, ndërtimi i opinionit publike në dinamikat e rrjeteve sociale, në televizionin publik kombëtar. Përtej projekteve universitare z.Goci angazhohet rregullisht në disa projekte kërkimore në partneritet me organizata të fokusuara në cështje me sensibilitet publik si ambjenti, të drejtat e njeriut, statusi profesional i gazetarëve, duke ofruar ekspertizën e tij në moderimin e komunikimit publik të këtyre agjencive.
Jeta Kasemi
Studente e vitit të 3-të Bachelor, në departamentin e Gazetarisë dhe Komunikimit, në Universitetin e Tiranës.
Unë jam Jetmira Kasemi, një gazetare e re por e apasionuar. Kam lindur më 30 qershor 1998 në Tiranë, fëmija i vogël e një familjeje të madhe.
Pasioni për gazetarinë më lindi vonë, pasi zbulova skutat më të errëta të saj dhe mësova se çdo të thotë vërtet të jesh një gazetar.
Kontaktin e parë e kam pasur me televizionin, dhe më pas me këtë profesion.
Thonë se radioja është dashuria më e madhe e një gazetari, e unë pata fatin që punën e parë ta kisha në një radio të njohur të kryeqytetit, ku zhvillova aftësitë e mia interpretative si dhe mënyrën e duhur për të përcjellë lajmi.
Natyra ime empatike më bën më të afërt me kauzat sociale. Motoja ime gazetareske është ”Një gazetar i mirë raporton veçanërisht kur bëhen padrejtësi”.
Momentalisht jam gazetare në një televizio kombëtar të vendit tonë, dhe synoj t’i ngjis shkallët e karrierës me vendosshmëri, durim e disiplinë.
Investigimi më jep mundësinë të ngre zërin aty ku unë mendoj se është e nevojshme.
“NUK JEMI KAVIE EKSPERIMENTALE” ishte kjo fjalia që dëgjohej në britmat e maturantëve në protestën e tetorit të vitit 2016.
Çfarë e shkaktoi këtë protestë? Si ishin maturantët dje dhe si janë sot?
Çfarë proçesi duhet të kaloj një maturant drejt të ardhmes së tij?
Këto janë disa nga pyetjet e shtruara në realizimin e këtij artikulli.